Абе, колку сакате години славете, ништо од тоа што (наводно) сте го сработиле не ви вреди, зашто недвосмислено покажувате дека воопшто не ви е гајле за публиката, на која толку цврсто се потпирате. Наместо гестови на добра волја, изненадувања и привилегии за присутните, вчера на Матка практично беше спроведен грабеж. После ова Баланс за мене се тешки фејлери.

The Skopje Connection имаа добар настап, иако започнаа час и половина подоцна од планираното. Не понесов фото-апарат, па во оваа прилика еве една фотографија со многу скромен квалитет, направена на Sony Ericsson K750i.

Матка е извонредно место за џез концерти, па се надевам дека во иднина повеќе ќе биде експлоатирана за такви цели. Нека биде ова апел до Skopje Jazz Festival (SJF).

На четвртата вечер од Skopje Jazz Festival 2009 поминав одлично! Arve Henriksen (и Jan Bang) и Jon Hassell се навистина врвни уметници. Нивните настапи беа во секој поглед уникатни доживувања, за кои вреди да се плати. Задоволен сум што не ги пропуштив.

На крајот од вечерта, појдов и на настапот на Chico Pinheiro e Banda во Hard Rock. Не беше лошо, но не паднав во несвест.

Инаку, Г-динот Оливер Белопета вечерта напомена дека бил задоволен од тоа како добро се покажала соработката со Hard Rock и вечерите од SJF што се одржуваат таму. За мене вечерите во Hard Rock беа најлошите. Сметам дека во Hard Rock секогаш има премногу „падобранци“ што не знаат да прават ништо друго освен бука и да покажуваат колку воопшто не им е гајле кој е на сцената. Очигледно е дека премногу лесно, многу луѓе се снабдуваат со гратис влезници. Убаво би било во иднина да се запре со оваа пракса и конечно SJF вечерите во Hard Rock да станат пристојни. Секогаш е подобро да има помал број на публика, но таа да биде поквалитетна.

И на самиот крај, една желба. Cibelle ја пропуштив на Offest 2006. Таа подготвува нов албум, што може да биде одличен повод, за наскоро да нè посети пак. Единствено треба некој да ја побара.

Само што се вратив од првата вечер на Скопскиот џез фестивал. Ги слушав The Skopje Connection – трио составено од Георги Шарески, Џијан Емин и Лука Аквино. Поминав одлично!

Албумот „AmAm“ имав прилика убаво да го ислушам пред настапот и морам да напоменам дека станува збор за врвно издание. Ме потсетува на мелодиите на Chet Baker, на музика од филмот „The Godfather“, на делови од „Moon River“ на Henry Mancini…

Вечерашниот настап беше супер. Албумот „AmAm“ е маст-хев.

Еве и една фотографија. Простете за лошиот квалитет, но единствено мобилниот ми беше при рака.

Eagle vs Shark ме воодушеви со својата едноставност и ненаметливост. Силно препорачан за оние што сакаат да видат повеќе, а да чујат помалку во еден филм. И обратете внимание на моментот со хакерот. Да полудиш!

Инаку, за филмот првпат дознав преку deviantART. Имаше отворен конкурс за дизајн на постер за филмот, на којшто не земав учество. Пред некој ден сестра ми ме потсети дека филмот бил издаден, па решив да го погледнам. Интересно е што, филмот од прикажувањето има заработено само нешто повеќе од триесет и пет илјади американски долари. А, да не заборавам! Филмот има и прекрасен саундтрак со брилијантни инди-поп нумери. И тој е исто така силно препорачан.

Доаѓа со долга листа на подобрувања и неколку долго очекувани карактеристики.

Со Pidgin 2.5 добивме:

• поддршка за офлајн пораки во MSN
• менаџер за смешковци (а со тоа и можност за додавање и употребување смешковци по избор)
• автоматско намалување на огромни смешковци (заради што Pidgin често се закочуваше или исклучуваше)
• можност за поставување лични пораки
• и уште многу други интересни опции…

Супер издание! Честитки и само напред. Ако некогаш мислев дека Pidgin се развива со намален интензитет од порано, денес мислам дека тој е повторно во игра. Силно препорачан на сите корисници, особено на оние што првпат слушаат за Pidgin, без оглед на избраната платформата.

Заради проблемите со серверите, сајтот се отвора со намалена динамика… Се очекува проблемите наскоро да бидат надминати.