Ако се обидете со десен клик и „View Image“ на било која слика, да ја отворите сликата во нов таб, нема да успеете. Наместо да бидете пренасочени кон новиот таб и во него да биде прикажана сликата што сте ја повикале, ќе ви се отвори прозорец за преземање на датотека со чудно име. Тоа се случува зашто MakFax криејќи го името и целосната патека до сликата, на мое големо изненадување, ви ја нуди на преземање самата слика.

Ќе речете, па од каде ни нуди можност да ја преземеме самата слика, кога датотеката што ни се нуди за преземање не е слика?

Навидум, не станува збор за слика, но ако ја преземете датотеката и го промените нејзиниот тип (екстензија) во „jpg“, всушност ќе можете да ја прегледувате самата слика. Претпоставувам дека ова е така зашто, во заглавието, датотеката е дефинирана како „jpg“ слика.

На тој начин можете и да ги видите во оригинална големина, минијатурните слики што MakFax ги поставува на сопствениот веб-сајт.

Претпоставувам дека MakFax со оваа техника, сака да ги заштити сопствените слики од употреба на други веб-сајтови и да ги ограничи корисниците да поставуваат врски до нив. Сепак ако некогаш имате потреба да го заобиколите овој механизам на заштита, сега знаете како.

Дополнување: Се чини дека, опишаната техника важи само во Mozilla Firefox. Во Internet Explorer и Opera, опциите за приказ на сликата во посебен таб се оневозможени, а пак во Google Chrome прикажувањето на сликата во посебен таб е без никакви пречки. Им отворив работа на MakFax, a?

Овој пат, повод беше (како што ме информираа од EVN) изведувањето на градежни работи од некоја компанија, при што бил оштетен 10 киловатен кабел на EVN. Се чекало на полицијата да направи записник, па да се почнело со исправката на дефектот.

Струја снема околу 10:30 часот. Околу 12 часот, кога се јавив да се информирам, се чекаше на пристигнувањето на полицијата – значи на полицијата ѝ треба најмалку час и половина да се одѕве на ехо.

Кога се јавив во 16:45, ме информираа дека записникот бил направен и дека се работело на надминување на проблемот и најдоцна до 18 часот, а можеби и порано, ќе сме добиеле електрична енергија. Електрична енергија добивме неколку минути пред 19 часот.

Неверојатно е колку се зачестени прекините во снабдувањето со електрична енергија во општина Бутел. Како одминува времето, така сè помалку сме во можност да му извадиме 7 дена на последниот прекин во снабдувањето. Претпоставувам дека следниот предизвик ќе биде да се живее со прекини, два пати неделно. Исто така неверојатно, е колку темелни објаснувања даваат операторите на EVN Македонија.

Ги повикувам новинарите, почесто да известуваат за ваквите испади на компанијата, зашто единствено на тој начин може да се изврши притисок за трајно надминување на проблемите на граѓаните.

Следниот пат, кога ќе се случи сличен испад како овој со учебникот за петто одделение (а, ќе се случи), помислете каде навистина треба да го инвестирате Вашиот интелект. Наместо да презирате малограѓанштина, соочете се со неа. Засукајте ракави и повратете ја изгубената територија.

Таму каде што денес би можеле да делувате Вие, делува пониска развојна форма од Вас, што нашла начин да си приграби место во континиумот. Нашла начин – значи делувала активно на решавање на личниот проблем со подреденоста.

Денес, сите ние имаме проблем со подреденоста, но најмногу што можеме да сториме е да правиме бука по виртуелни мрежи, каде има минимални шанси некој да нè чуе? Ниту мислам дека сме го дале максимумот, ниту пак верувам дека ете баш ние сме ја имале среќата да стигнеме до безизлезот.

Ако сте против сите испади на малото граѓанство, покажете дека Вие сте поголемо граѓанство. Ако Ви се дадени легитнимни мерки за изразување незадоволство, користете ги нив. Не барајте алтернативи со полесни патишта.

Сакате промени? Направете промени! Не чекајте нови лидери, зашто во Македонија такви нема да се родат во наредниве триесеттина години. Зад кревката марихуана што слободно си расте, ќе наѕираат само евтини профитери и уште помали граѓани од овие, на кои денес им се потсмевате.

Па после и Вие ќе постанете транзициони родители за Вашите деца. Марионети, пиуни, кловнови…

Како вашите деца тогаш ќе знаат дека треба да Ве избават од тонење, ако денес Вие ги учите на морал, од малограѓанскиот учебник?

WordPress Македонија е проект започнат на 15. Јануари, 2010 како место на кое ќе може сите македонски вордпресџии да ја добијат потребната помош и совети за како да си го уредат својот блог или сајт, а од 17. Април, 2010 започна и со објавување на постови поврзани општо околу блогирањето и совети за „младите“ блогерџии.

Свесен сум дека WordPress Македонија е релативно нов проект, но тоа не може да биде оправдување за преземање на непромислени чекори, што се одразуваат на сите локални корисници.

Лични забелешки

• месеци и денови со голема почетна буква;
• Е-мајл наместо е-пошта;
• општи и збирни именки со голема почетна буква;
• непромислено испуштање и додавање зборови;
• менување на контекстот од оригиналните стрингови.

Во продолжение погледнете ја разликата во заглавијата на претпоследната и последната верзија на македонскиот превод. Намерно или не, сите претходни локализатори не се наведени.

• Заглавие на mk_MK.po на WordPress 2.9.1
  # translation of wordpress.po to Macedonian
# Macedonian (mk_MK) translation for WordPress.
# Copyright (C) 2008 WordPress contributors.
# This file is distributed under the same license as the WordPress package.
# Vladimir Stefanov , 2004, 2005.
# Зоран Димовски , 2005.
# Jovan Kostovski , 2005, 2006, 2007, 2008, 2009, 2010.
msgid ""
msgstr ""
"Project-Id-Version: mk_MK\n"
"Report-Msgid-Bugs-To: wp-polyglots@lists.automattic.com\n"
"POT-Creation-Date: 2010-01-05 04:57+0000\n"
"PO-Revision-Date: 2010-01-07 00:30+0100\n"
"Last-Translator: Jovan Kostovski \n"
"Language-Team: Macedonian <>\n"
"MIME-Version: 1.0\n"
"Content-Type: text/plain; charset=UTF-8\n"
"Content-Transfer-Encoding: 8bit\n"
"Plural-Forms: nplurals=2; plural=n != 1\n"
"X-Generator: Lokalize 0.3\n"
• Заглавие на mk_MK.po на WordPress 3.0
  # Translation of Development (trunk) in Macedonian
# Translation of Development (trunk) in Macedonian
# This file is distributed under the same license as the Development (trunk) package.
msgid ""
msgstr ""
"PO-Revision-Date: 2010-06-23 12:40+0100\n"
"MIME-Version: 1.0\n"
"Content-Type: text/plain; charset=UTF-8\n"
"Content-Transfer-Encoding: 8bit\n"
"Plural-Forms: nplurals=2; plural=n==1 || n%10==1 ? 0 : 1;\n"
"X-Generator: GlotPress/0.1\n"
"Project-Id-Version: Development (trunk)\n"
"POT-Creation-Date: \n"
"Last-Translator: Boris Kuzmanov \n"
"Language-Team: \n"

До WordPress Македонија

Апелирам до WordPress Македонија да ги корегира сите печатни грешки на нивниот веб-сајт.

WordPress Македонија ги цени своите читатели и нивната поддршка и нуди високо ниво на заштите на личните податоци.Ние ги почитувате сите лични информации кои ни ги давате и ни е важна нивната заштита.

Ја повикувам WordPress Македонија активно да работи на создавање заедница, инаку целата идеја околу проектот ќе доживее неуспех.

Се разбира, подготвен сум и лично да се вклучам во проектот.

Спорно за мене беше тоа што, телефонски ми беше кажано дека можно е компјутерот да го донесам на сервис и итно да ми биде поправен, но кога дојдов на рецепција рецепционерката ми соопшти дека тоа не е можно и започна да ми противречи, да ми кажува како сум бил арогантен, да го повишува тонот, да ме навредува, да ме запрашува што си замислувам јас и да констатира дека не е ова моја фирма па како сакам да се однесувам, да ми се заканува дека како резултат на моето итно барање, ќе ми наплателе по тарифникот за услуги по итна постака…

Нормално дека не се воздржав и не останав инертен на навредите. Кавгите продолжија, па потоа ни се приклучи и нејзин колега, за и тој да вика заедно со нас. Наместо да ја смири неговата колешка, за колегата спорно беше тоа што јас го повишувам тонот… По некое време, видов дека воопшто не е важно што јас имам да кажам, па замолчев.

После 40 минутни консултации со сервисерот, си заминав. Тој инсистираше да го оставам компјутерот и по 3 часа да дојдам да го земам, но јас едноставно немав толку време. Проблемот не ми беше решен.

Спорно во консултациите со сервисерот беше следново:

• мојата графичка била позната како проблематична – се прашувам зошто тогаш ми ја продале и зошто воопшто ја продаваат?
• ако сум го оставел компјутерот, ќе ми ставеле уште еден кулер – зошто не ми ставиле уште еден кулер досега, ако од тоа имало потреба?
• со ситна доплата ќе сум можел да си купам подобра графичка картичка – кога прашав колку треба да доплатам, сервисерот се нечкаше, па потоа се врати со објаснувањето дека за 1 час ќе добиел одговор за сумата…

Во Anhoch купувам речиси 10 години, но повеќе нема да го правам тоа. Никогаш!

Абе, колку сакате години славете, ништо од тоа што (наводно) сте го сработиле не ви вреди, зашто недвосмислено покажувате дека воопшто не ви е гајле за публиката, на која толку цврсто се потпирате. Наместо гестови на добра волја, изненадувања и привилегии за присутните, вчера на Матка практично беше спроведен грабеж. После ова Баланс за мене се тешки фејлери.

The Skopje Connection имаа добар настап, иако започнаа час и половина подоцна од планираното. Не понесов фото-апарат, па во оваа прилика еве една фотографија со многу скромен квалитет, направена на Sony Ericsson K750i.

Матка е извонредно место за џез концерти, па се надевам дека во иднина повеќе ќе биде експлоатирана за такви цели. Нека биде ова апел до Skopje Jazz Festival (SJF).