Што е ново во Firefox 10?

Firefox 10 ќе биде релативно голема надградба или барем поголема од оние, на кои се навикнавме во изминатиот период со забрзаниот развоен циклус.

Firefox ќе воведе помалку рестриктивен пристап кон додатоците. Повеќе нема да има потреба од задолжителна надградба за секој додаток, при објавувањето на нова верзија од Firefox.

Од 10-та верзија, Firefox ќе си претпоставува дека секој додаток е веќе прилагоден да работи и на понови верзии од прелистувачот. Така, корисниците нема да бидат оневозможени да ги користат омилените додатоци и на најновите верзии од Firefox, а вината за потенцијалните проблеми ќе биде префрлена кај развивачите на додатоците.

Во Firefox 10 ќе добиеме и алатка за брзо истражување и менување на составот на веб-страниците - алатката „Inspect“, составена од „Page Inspector“ и „Style Inspector“ - како еден вид на осиромашена верзија од Firebug, со поразличен дизајн. Предноста е што „Inspect“ станува составен дел од јадрото на Firefox, со што се намалува потребата од Firebug за основните корисници.

Други дополнувања и измени:

• копчето „Forward“ станува невидливо, доколку нема следна страница кон која може да се насочите;
• поддршка за anti-aliasing за WebGL;
• подобрена поддршка за IndexedDB;
• поддршка за веб-апликации што би работеле на цел екран;
• поддршка за 3D-трансформации преку CSS3;
• поддршка за елементот за двострано ограничување на текст;
• подобрувања на Firefox Sync;
• и така натаму.

Што е ново во Thunderbird 10?

Новата, 10-та верзија на Thunderbird, доаѓа со многу помали измени и дополнувања, но сепак се 130+.

Сосема нова ќе биде можноста за пребарување на Интернет директно од Thunderbird, а подобрувања можат да се очекуваат во функционалноста за пребарување низ пораките и менаџирањето на нацрти (drafts).

Честитки за уште две успешни изданија на целокупната заедница на Mozilla!

Преземено од Mozilla на македонски.

Видете ги и фотографиите на Новицa, како и оние на Мозила Македонија.

„Simply Four“ - мојот предлог дизајн за официјална маичка на Firefox 4

Доколку ви се допаѓа, за него можете и да гласате. Би ви бил многу благодарен доколку помогнете во споделувањето на овој дизајн.

Инаку, дизајнот се базира на постоечки дизајн на промотивен постер [pdf] за Firefox 4. Идејата се роди на официјалната група на балканската заедница на Firefox - mozilla.community.balkans, за подоцна да биде прифатена и од глобалната заедница.

Првата локализација на постерот, колку што сум информиран, се случи во Шпанија.

Преземете го Firefox 3 утре и учествувајте во поставувањето на гинисов светски рекорд за најпреземен софтвер од интернет. Патем слободно пуштете го муабетот нека струи, а овој веб-постер може да ви послужи за тоа. Колку повеќе луѓе го видат, толку подобро.

Ако сте сигурни дека доаѓате, удрете еден потпис овде.

Се гледаме во Точка!

Поминаа 1002 дена од објавувањето на Firefox 1.0 (9. ноември 2004 год.), а (според spreadfirefox.com) резултатот е повеќе од 400 милиони преземања на Интернет прелистувачот со отворен код. Во периодот од појавувањето па сè до денес, Firefox е преземан во просек по 400 илјади пати дневно, иако минатиот месец таа бројка се искачи и над 500 илјади преземања.

Честитки, па догодина нека бидат 800 милиони. :) Зошто да не?

Ако сè уште не користите Mozilla Firefox, направете си го денот посебен. Земете Firefox овде или со клик на симпатичната сликичка погоре.

Зад сликата стои how-to. Многу интересно :)

• алфа 4, до крајот на април
• алфа 5, до крајот на мај
• алфа 6, до крајот на јуни
• бета 1, во јули
• бета 2, во септември
• официјална верзија, октомври/ноември 2007

Претстојат навистина интересни опции. Да се надеваме дека ниедна од нив нема да биде изоставена. Засега е планирано во Firefox 3 да може да се сурфа офлајн, да може да се зачувуваат веб страници како PDF документи и планирана е целосна компатибилност со Vista (неговите родителски контроли и т.н. безбеден мод на работа). Само напред.