Искрено се надевам дека на многумина од присутните, по овој настан, им стана многу појасно зошто е важно да се чува слободата и што тоа во пракса всушност значи.

Учестував на последниот курс од овогодинешната програма – „Blender for Game Artists“, кој се одржа во периодот од 24 – 30 август 2009 година. Организацијата беше одлична, а предавањата на моменти дури и преобемни. Работевме во два одделни тима. Секој тим требаше да создаде сопствена игра, базиранана на една од трите предложени идеи. Нашиот тим одбра да изработи логичка игра, што ќе се базира на приказна за книга за алхемија. Играта ја завршивме, речиси во целост, па штом ќе биде објавена како официјално издание на TOSMI, ќе ја објавам во рамките на овој (или можеби и во посебен) запис.

По овој курс, слободно можам да кажам дека Blender е една од најдобрите апликации за три-де визуелизација. Има бројни предности пред другите комерцијални апликации, како 3ds max, Maya, LightWave итн, а има и вграден енџин за игри со што е овозможено создавање на видео игри директно во Blender. Blender ќе биде видно освежен со верзијата 2.5 која треба да биде објавена есенва. \0/

Не ми се допадна тоа што некои од организаторите (млади и едуцирани луѓе) си земаа за право, јавно да го дефинираат потеклото на македонскиот јазик и македонската држава како дел од бугарската историја. Да бев од Северозападна Европа, ќе речев дека на TOSMI ’09 имаше етничка дискриминација.

According to the United Nations conventions, there is no distinction between the term racial discrimination and ethnic discrimination.

@Wikipedia

Theora е бесплатен и отворен формат на видео компресија од фондацијата Xiph.org – дел од нивниот проект Ogg (проект што има за цел да овозможи интеграција на кодекот VP3 на On2 Technologies, аудио кодекот Ogg Vorbis и мултимедијалните формати Ogg во комплетно мултимедијално решение, што би било конкурентно на форматот MPEG-4). Ogg Theora припаѓа на истата класа на видео кодеци како MPEG-4/DiVX, но од нив значително се разликува по тоа што не обврзува со лиценца за користење и, што е уште поинтересно, што овозможува драстично подобри перформанси на видео компресија со висок квалитет.

Со Theora се сретнав неодамна и решив малку посериозно да се позанимавам со снимање на видео содржини во овој формат. Тоа што уште на прв поглед ме фасцинираше, беше забележителната разлика во големината на видео датотеките во MPEG-4/DiVX и Theora формат. Theora овозможува создавање на, во слободна проценка, помеѓу 45% и 65% помали видео записи без никакво видливо намалување на видео квалитетот.

Во мојот прв обид за компресија во Theora, суров DVD материјал со капацитет од околу 500 мегабајти, сведов на без малку 20 мегабајти. Зарем, тоа не е одлична заштеда? Подоцна, веќе компресирани MPEG-4 видеа претворав во Theora. Во речиси сите обиди имав најмалку 50% повисока компресија, а со тоа и 50% помали видео записи.

Со тоа што овозможува висока компресија, Ogg Theora е речиси идеален формат за дистрибуција на видео материјали на Интернет.

Theora е повеќе-платформски формат, достапен на ГНУ/Линкус, Windows и Mac OS.

Како се создава .ogv датотека?

ffmpeg2theora е едноставен конвертор на MPEG видео записи во Ogg Theora формат. ffmpeg2theora засега нема графички кориснички интерфејс и може да се употребува единствено преку терминал / Command Prompt, што никако не го прави помалку привлечен. Всушност командите за отпочнување на конверзијата се ужасно едноставни. Еве, на пример, како изгледа една таква:

ffmpeg2theora videoclip.avi

каде што „ffmpeg2theora“ е име на командата т.е. на извршната датотека на конверторот, „videoclip“ е име на видео датотеката, а „avi“ е тип на видео датотеката.

Сè што би требало да направите, за активно да го користите ffmpeg2theora, е да го преземете од официјалната страница. Конверторот е бесплатен, се разбира. Слободно послужете се со зададените примери на официјалниот веб сајт.

Достапност

Ogg Theora доаѓа како составен дел на сите ГНУ/Линукс дистрибуции. Под Windows, репродукцијата на .ogv датотеки е можна со помош на VLC media player. На крајот, доколку ве интересира, погледнете ја листата на плеери што умеат да репродуцираат Theora без проблеми.

• Windows 7 во основата е Windows Vista;
• Windows 7 не ги намалува масивните хардверски побарувања (види прва точка);
• Ако имате постар компјутер што работи непречено на Windows XP тогаш тој нема да работи непречено на Windows 7 (види прва точка), но ќе работи супер на Ubuntu, на пример;
• Windows 7 во моментов не е и најверојатно нема ни да биде побрз оперативен систем од Windows XP (види прва точка);
• Windows 7 и понатаму користи огромен дел од системската меморија за обавување на основните операции (види прва точка);
• Мисијата на Windows 7 е да создаде претстава дека новиот Windows е темелно сработен (види прва точка);
• Доколку не ви се допадна корисничкиот интерфејс на Windows Vista нема да ви се допадне ни оној на Windows 7 (види прва точка);
• Со Windows 7, Microsoft се бори против сопствените изданија и никако не допира или пак влијае на позитивниот тренд на прифаќање на софтверот со отворен код;
• Со Windows 7, Microsoft се обидува да си го поврати угледот;
• Со Windows 7, Microsoft уште еднаш ќе покаже дека нема капацитет на сериозен играч, но сепак ќе успее и овојпат да се извлече на стара слава;
• По објавувањето на Windows 7 и понатаму ќе се зголемува бројот на ГНУ/Линукс корисници;

Ars Тechnica има навлезено подлабоко во темава и најголем дел од горните заклучоци ќе ги прочитате и во тој текст.

Лично сметам дека нема подобро време за да се започне со проучување на Ubuntu или на некоја друга ГНУ/Линукс дистрибуција од периодов пред да биде објавен „новиот“ Windows. Агонијата на Microsoft ќе продолжи и во понатамошните години. Во тоа сум сигурен.

Ако ви е страв да пробате да сработите нешто на ГНУ/Линукс начин, помислете само колку од времето го губите во чекање на Windows да исцрта прозорци, да ископира датотеки, да прикаже менија, да се исклучи…

Сигурно не се полудени луѓето што велат дека да се работи во ГНУ/Линукс е поефикасно, побрзо, попродуктивно. Сепак потребно е да се има во предвид дека учењето на нов оперативен систем, не е процес што би се случил преку ноќ.

Не бев многу зачуден од поголемиот број на фрејмови под Wine отколку на XP и Vista, особено не зашто се работи за игри што го користат енџинот на Doom 3, а Wine тој енџин многу фино го има соџвакано.

Инспириран од тестовите решив да направам свое мини истражување на тоа поле, но со една ептен тазе игра – Spore.

И што да кажам? Речиши сè течеше праволиниски. Инсталацијата на Spore беше најнормална. Играта најнормално се стартуваше и на цел екран и во прозорец. Единствен проблем беше префрлувањето од цел екран во прозорец, кога и ми се промени графичката резолуција во Убунту и тоа од 1280×1024 на 1024×768 пиксели.

За суштинскиот гејмплеј не можам да кажам толку пофални зборови иако навидум сè изгледаше во ред. На некои модели недостасуваа полигони, забележав и грешно прикажување на некои текстури, нетранспарентни мапи на транспарентни честички итн. Но, имајќи во предвид дека Spore е многу нова игра и во себе интегрира поинаква технологија очекував да видам дури и погрда графичка репрезентација. Сепак ако ги погледнете погорните слики во Убунту и во Виста, ќе забележите дека постои ситна разлика. А тоа само говори за моќта на Wine.

Охрабрен од првиот тест, решив да одам на хардкор варијанта и да си ја пробам среќата со Gears of War. За чудо, инсталацијата на играта течеше најнормално сè додека пред самиот нејзин крај не добив порака за грешка со содржина „…permission denied…“. Немам многу познавање на Wine, па не се ни потрудив особено околу проблемот, зашто целта не ми беше да вложувам посебни напори туку да си се пробам со Wine како почетник и да видам колку криви патчиња можат да се фатат… односно дали е дојдено времето еден просечен гејмер да може во целост да се потпре на Wine.

Времето не е дојдено. Барем не за (по)новите игри…

Немам цел да извлечам некаков позитивен или негативен заклучок од тестов. Едноставно ме интересираше до каде се работите…