How fast does your PC boot? – Ubuntu from Goce Mitevski on Vimeo.

Анимацијата на логото е изработенa во 3ds max, а рендериранa со V-ray, па потоа сè е споено и доисполирано во Adobe After Effects и Adobe Premiere. Димензиите на видеото се нестандардни, а на нив ме наведе премногу долгиот временски период (над 16 часа) што беше потребен за мазно да се изрендерира вртењето на логото со motion blur.

Се надевам дека наскоро ќе можам да изрендерирам и HD верзија со драстично подобар квалитет.

Видеото го има и на YouTube, но со послаб квалитет од оној на Vimeo.

Во филмот на поедноставен начин е разработена мошне сериозна тема – мегусебната толеранција. Денес кога човештвото не може да се освести пред предизвиците на иднината и не умее да разбере дека толеранцијата помеѓу луѓето е еден од најважните предуслови за опстанок на цивилизацијата, ваквите ремек дела умеат да остават белег и со тоа, барем малку, да ја променат насоката во која тргнало човештвото.

Важно е да се негуваат разликите, а не да се пребришат. Важно е да се најде заеднички јазик, дури и кога не може да се зборува. Важно е младите да размислуваат различно од постарите и се разбира, важно е да си помагаат. Конечно, важно е да се негуваат храброста, несебичноста и здравиот разум.

incredible! certainly the front runner for the best animated film of the year. from the first to the last frame this film is as good as an animated film gets on almost every level. beautifully written, designed and executed. though an incredible movie, it’s not quite perfection – probably due to time and budget limitations (is there ever enough of either?). that said, the problems i had are far too few to mention. if dragon doesn’t absolutely slay at the box office i’ll lose faith in middle America.

congrats to the filmmakers – you’ve made a masterpiece and you made me feel like a kid again. thank you.

axel_foley

Долгометражниот филм е некако посветол. Претпоставувам дека баш поради тоа, анимацијата изгледа поевтино – ѝ се гледаат повеќе маани. Со тоа што ликовите зборуваат, во целост е уништена непредвидливоста на филмот. Сите „нови“ ликови се целосно безлични. Многу малку се знае зошто е таква состојбата во околниот свет, што би можело да ја промени, или пак зошто постојат платнените куклички? Исто така, не мислам дека Shane Acker е добар во раскажување на долги приказни.

Како и да е, сè уште ми се допаѓа концептот со платнените куклучки, особено објаснувањето за тоа, како тие ја добиле својата душа.

Интересен е затоа што нема блиски точки со Дизниевите приказни и не им е наменет првенствено на најмладите или барем не на начин на кој тоа вообичаено се прави преку анимираните филмови.

„Persepolis“ видео на YouTube

Приказната е сместена во 70-те години на минатиот век, во времето на Иранската (Исламската) револуција. Отсликан е животот на Marjane ‘Marji’ Statrapi со сите негови искачувања и падови. Просто неверојатно е колку автентично се доловени базичните човечки емоции и состојби во овој анимиран филм. Посебен акцент е ставен на оттуѓувањето на луѓето и на тоа како негативните промени во општеството, активно придонесуваат, за оттуѓувањето сè поинтензивно да се случува.

„Persepolis“ е номиниран на Оскар 2008, во категоријата „Најдобар анимиран филм на годината“, има добиено уште 24 други номинации и 15 признанија и награди.

За некого можеби и нема да биде толку интересен, но мене ми се виде многу актуелен, зашто она што денес се случува во Македонија, не е многу далеку и многу поразлично од тоа што се случувало во Иран во 1979 година.

Сепак, ви го препорачувам.

Бидејќи не можам јас со зборови, може Raoul Servais со Chromophobia.

Мрачна атмосфера, многу прашања, напнатост, несигурност, смрт, бегство, херојство… Вистинско ремек дело!

„9“ – Shane Acker

Краткиот анимиран филм беше награден со студентски оскар на 12 јуни 2005 година. Меѓутоа дури потоа работите почнуваат да стануваат интересни. Во 2006 година филмот е промовиран и на „The Animation Show“. Денес, Shane Acker работи на долгометражна адаптација на филмот, што пред извесно беше најавена со спектакуран трејлер. Долгометражниот филм „9“ ќе биде објавен на 9.9.2009, во продукција на Tim Burton. Подолу можете да го погледнете одличниот трејлер. Сепак препорачувам гледање во HD, преку оваа врска.

Одамна не сум се возбудил вака за некој анимиран филм. Се надевам дека нема да разочара.

Дополнително

• Интервју на Shane Acker за The Animation Show
• „9“ на DailyMotion – со нешто подобар квалитет од видеата што се достапни на YouTube