Паблишер

Промена на RSS на MK GNU/Linux планета

Отсега па натаму, на Планетава, нема да се појавуваат сите записи од мојот блог, туку единствено оние од категоријата „MK GNU/Linux планета“.

Ако ме следите преку македонската GNU/Linux планета, отсега всушност ќе следите само дел од содржините на блогот или само оние што се собрани во каналот:

http://pablisher.nicer2.com/category/mk-gnu-linux-планета/feed/

Ако сакате да ги следите сите содржини, тие остануваат достапни преку каналот:

http://pablisher.nicer2.com/feed/

Фала, Глиша!

Коментар: Операторите и ЗАМП не се договорија

„Операторите и ЗАМП не постигнаа договор за реемитување на неколку ТВ канали“ - ова соопштение го сфаќам како бегање од одговорност на операторите и обид за префрлување на вината на ЗАМП.

преку Нова Македонија

Како ќе беше оправдано себеиземањето на операторите?

Почитувани корисници Ве известуваме дека операторите и ЗАМП не постигнаа договор за реемитување на ...

Бидејќи нема да бидеме во можност да продолжиме со реемитување на вкупно __ канали, а со тоа и ќе нудиме услуги со послаб квалитет, Ве известуваме дека ја намалуваме претплатата за услугата ____________________, за ___ денари.

Е, тогаш ќе ја сфатев искрената загриженост на операторите за (буџетот на) корисниците.

Листа од сите постоечки додатоци во Firefox

Прашањето е: Како да извадам листа од сите постоечки додатоци за мојот профил во Firefox?

Постојат два одговори на ова прашање. Едниот е едноставен за основните корисници, другиот за понапредните.

Одговор за основни корисници

1. Кликнете на копчето „Firefox“ и изберете „Troubleshooting Information“ – „Информации за проблеми“ во Firefox на македонски. Доколку немате копче „Firefox“, опцијата „Troubleshooting Information“ ќе ја најдете во менито „Help“.

Пристапување до about:support или „Troubleshooting Information“ во Firefox 9.0.1

Ќе Ви се отвори нов таб со листа на корисни информации, меѓу кои се наоѓа и табела со информации за постоечките додатоци во Вашиот кориснички профил во Firefox.

about:support во Firefox 9.0.1

2. За да ја зачувате оваа страница во некој вообичаен формат, кликнете на копчето „Firefox“ и изберете „Save Page As...“ – „Сними ја страницата како...“ во Firefox на македонски.

3. Дополнително, изберете дали ќе запишете веб-страница или текстуална датотека на Вашиот диск.

Снимање на датотека во Firefox 9.0.1

Одговор за напредни корисници

Отворете нов таб и во адресната лента внесете „about:support“.

Пристапување до about:support во Firefox 9.0.1

Потоа самите одлучете што ќе правите со овие информации или пак погледнете ги чекорите 2. и 3. во Одговор за основни корисници.

Откако ставив MaxTV – 3 Max Comfort+

Откако мигрирав на пакетот 3 Max Comfort+, моето сфаќање за квалитетот на услугите на Македонски Телеком се промени значително. Во овој краток напис, ќе ги наведам причините за тоа, без некој посебен редослед.

Ги пишувам овие работи, за потенцијалните корисници на 3 Max Comfort+ да знаат што ги очекува.

преку babypips.com

Откако ставив MaxTV:

расположливата брзина на Интернет ми се намалува од ~8,6 Mbps, на ~6,6 Mbps, кога е вклучен медија приемникот. Штом ќе го исклучам, брзината се враќа на ~8,6 Mbps;
рутерот постојано прави некакви проверки и во логот запишува: „No automatic configuration or updates by the service provider possible for this device: Login error“. За ова се имам јавено на 0800 12345 и ми имаат речено дека прават некакви промени во системот и доколку немам проблеми со врската, дека било нормално;
дознав дека T-home по автоматизам не ги активира дополнителните услуги што следуваат со пакетот, ниту пак ги деактивира тие што се непотребни. Со други зборови, ако претходно ви наплаќале 50 денари за идентификација на повик, а со овој пакет таа услуга ја добивате бесплатно, самите мора да се јавите и да ја откажете постоечката услуга, за да престанат да ви ја наплатуваат;
мислам дека T-home престана да ми ја наплатува услугата „Моја сметка“;