MaxFax користи чудна техника за да го оневозможи прикажувањето на трајните врски до сликите од нивниот веб-сајт.
Ако се обидете со десен клик и „View Image“ на било која слика, да ја отворите сликата во нов таб, нема да успеете. Наместо да бидете пренасочени кон новиот таб и во него да биде прикажана сликата што сте ја повикале, ќе ви се отвори прозорец за преземање на датотека со чудно име. Тоа се случува зашто MakFax криејќи го името и целосната патека до сликата, на мое големо изненадување, ви ја нуди на преземање самата слика.
Ќе речете, па од каде ни нуди можност да ја преземеме самата слика, кога датотеката што ни се нуди за преземање не е слика?
Навидум, не станува збор за слика, но ако ја преземете датотеката и го промените нејзиниот тип (екстензија) во „jpg“, всушност ќе можете да ја прегледувате самата слика. Претпоставувам дека ова е така зашто, во заглавието, датотеката е дефинирана како „jpg“ слика.
На тој начин можете и да ги видите во оригинална големина, минијатурните слики што MakFax ги поставува на сопствениот веб-сајт.
Претпоставувам дека MakFax со оваа техника, сака да ги заштити сопствените слики од употреба на други веб-сајтови и да ги ограничи корисниците да поставуваат врски до нив. Сепак ако некогаш имате потреба да го заобиколите овој механизам на заштита, сега знаете како.
Дополнување: Се чини дека, опишаната техника важи само во Mozilla Firefox. Во Internet Explorer и Opera, опциите за приказ на сликата во посебен таб се оневозможени, а пак во Google Chrome прикажувањето на сликата во посебен таб е без никакви пречки. Им отворив работа на MakFax, a?
Дискусија
kako da ni se otvori toj prozorec..??? (prvata slika) nemas objasneto
Ако се обидете со десен клик и „View Image“ на било која слика, да ја отворите сликата во нов таб, нема да успеете.
Десен клик на сликата, па избираш „View Image“ (во Firefox) од менито.
BTW,
ваквото анти-интернет однесување на Макфакс е причината зашто нивниот RSS веќе не е стандардниот кој доаѓа со Firefox на македонски
Da, pred nekoj den se baftav so toj problem.
Slikite na makfax mozat da se linkuvaat na drug sajt. taa adresa samo treba
da se stavi vo imgsrc i toa e toa. se prikazuva slikata.
problemot sto nekoi browseri se bunat i sakaat da gi simnat kako file e deka vo response headerot od nivniot web server koga se vrakjaat slikite vo poleto za content-type vika deka e text/html, namesto image/jpg ili png, nesto takvo.
Може и преку MEDIA табот, па SAVE:
http://img138.imageshack.us/img138/3637/makfax.png
на тој начин го штитат/штедат сообраќајот на нивниот сајт , ако ја сејвуваш сликата ќе мора да ја кренеш на друг хост ако сакаш да ја употребиш на сопствен пост
Како што можам да приметам , нивниот сервер е конфигуриран хешираниве дадотеки да ги извршува со Force-Download media-type , односно да го наведе прелистувачот да го симне фајлот.
А парсерот на Firefox прикажува слики без разлика дали серверот во хедер му враќа application/octet-stream или image/jpg :)
Нема да биде чудно ако webkit прелистувач воопшто не ја ни прикаже сликата.
Одговор на:
„Дополнување: Се чини дека, опишаната техника важи само во Mozilla Firefox. Во Internet Explorer и Opera, опциите за приказ на сликата во посебен таб се оневозможени, а пак во Google Chrome прикажувањето на сликата во посебен таб е без никакви пречки. Им отворив работа на MakFax, a?“