Денес, во дел од Радишани немаше струја од околу 8 часот наутро, до 23 часот. Остварив 4 повици кон EVN. Првиот пат ми најавија дека се работи за сериозен проблем. Вториот пат ме излажаа дека до 18 часот проблемот ќе биде решен. На третото јавување ми рекоа дека само што им јавиле дека проблемот ќе биде решен до 22 часот. И конечно, кога се jавив после 22 часот, ми рекоа дека немаат информација кога ќе биде решен проблемот, но се очекува тоа да се случи во текот на вечерта (јас би рекол ноќта).
Објаснувањето инаку беше дека изгорела трафостаница, дека станува збор за сериозен проблем и голем дефект и дека активно се работи на решавање на проблемот.
Компанија што 15 часа не може да реши проблем, не треба да постои, не треба да си го губи времето и не треба да ги искористува граѓаните. Таквата компанија има неквалификуван кадар, работи нетемелно и проблемите не ги решава систематски. Таквата компанија не анализира и не претпоставува. Таквата компанија работи на памет.
Да живеев во нормална земја каде што нема правна несигурност, со сигурност ќе поднесев приватна тужба против компанијата EVN. За нивна среќа, а и заради нашите ценети, неписмени и ненаситни власти, денес единствено што можам да правам е да се жалам на беспомошната ситуација во која ми беше наложено да се најдам.
Дополнување: Во 00:45 (07.02.2010) повторно снема струја и немаше сè до пред малку т.е. до 14 часот (07.02.2010). Значи, приближно 29 часа без електрична енергија!
Дискусија
епа сега, кога има квар има квар .. магично не се поправа во еден момент…
енивеј, во хаклаб имаше струја и интернет, можеше да дојдеш :)
Одличен коментар за EVN. Колку што разбрав, ни денес нема струја во Радишани. Недозволиво е компанија со таков капацитет да поправа кварови цели 2 дена. Инаку вчера снема струја и во Бутел, па заминав во Хаклаб. :)
@дајман e како може да речеш дека 29 часа се еден момент? А ова за хаклабов, има смисла. :)
@дАЛИБОР да, ни денес немаше. Го дополнив оригиналниот запис со свежи информации од теренот. :P
Kaj mislis deka si be batka vo amerika pa i tamu imase blackout i toa nekolku dena a ne ti nemalo 10 saati struja. Aj porasnete malku ocigledno ne sfakate deka ako rikne trafostanica 10 toni teska ne mozes da ja doneses a kamo li da ja namestis za 10 saati. Gospod da ve razbere bi vi se cudel na komentarot.