Интересно е што се одлучиле токму за овој изглед на букви. Претпоставувам дека и за логото се користени истите букви со одредени модификации (како на пример на почетната буква – буквата „b“).
Не знам како во пракса е изводливо да се испочитува лиценцата под која е објавен овој фонт, но мислам дека најдов најмалку 3 услови, што со објавувањето на оваа реклама се прекршени. Следуваат цитати од LGPL лиценцата, од глава 4. „Combined Works“:
Give prominent notice with each copy of the Combined Work that the Library is used in it and that the Library and its use are covered by this License.
Accompany the Combined Work with a copy of the GNU GPL and this license document.
For a Combined Work that displays copyright notices during execution, include the copyright notice for the Library among these notices, as well as a reference directing the user to the copies of the GNU GPL and this license document.
Исто така би сакал да знам и кое студио за графички дизајн стои зад овој идентитет на bimilk.
Сосема ми е јасно дека отсекогаш имало недостиг на фонтови со кирилични букви, но исто така ми е јасно и дека условите за користење на тоа што е бесплатно (а можеби и на сè останато) кај нас никогаш не се почитуваат. Не дека ова што го напишав, на било каков начин ќе допре до нашите „креативци“, ама сепак тоа сериозно говори за нивната непрофесионалност.
Дискусија
не ми е баш јасно каде мислиш дека е прекршена лиценцата?
ако е само дека го *користат* фонтот, тогаш тоа имаат право да го прават (за било која намена) на основ ГПЛ (бидејќи нели ЛГПЛ е само дополнување на ГПЛ).
Разликата помеѓу бесплатните и фонтовите што се купуваат е во тоа што за првите се кажува дека се бесплатни и се оправдува нивното користење со приложување на лиценцата. За вторите лиценцата се купува. Во тој контектс и мислев дека не е оправдано користењето на фонтот во комерцијални цели.
Лиценцирањето на фонтови од секогаш било проблематично прашање, но од она што јас го имам прочитано, генералната доктрина е дека употребата на фонтот во ваква смисла воопшто не подлежи на авторски права.
Ubuntu фонтот го користи дизајнот поради моја иницјатива, а позади него стои ЕПП Комуникации и тоа што го пушуваш за ГПЛ лиценците очигледно не ти е баш јасно. Во спецификацијата на користени материјали кога се даваше предлог дизајнот беше јасно напишано кој Фонт се користи со што клиентот беше запознат, што е услов за заслугата на сите тие точки што си ги навел, а никаде во лиценцата не пишува каде ти ќе дадеш до знаење кој фонт се користи и на крај краеви фонтовите се типографски знаци што само по себе не подлежат под наведување на авторски генералии и исто така кога слушаш песна на радио може да го дознаеш кој е изведувачот, а не кој ја создал песната… и наместо да не пофалиш нас „креативците“ за промоцијата на фонтот Убунту оти ќе сакаат и други клиенти да го користат ти маваш со дрва и камења по нас и збориш за ГПЛ, по патентиран од најпатентираните си!
Благој, јас бесплатни кирилични фонтови правам многу поодамна од времето кога ти почна да сакаш да се бавиш со слободна култура, така што мислам дека си го згрешил местото за делење етикети. Многу добро знаеш за што зборувам, но бидејќи немаш други аргументи, а си се почувствувал лично погоден, со навреди се обидуваш да ги оправдаш сопствените убедувања.
Немам намера да те учам на основна култура.