Кажете му како, самиот да си води сметка за меморијата што му стои на располагање, со додавање на следниов клуч во неговиот регистар.
browser.cache.memory.capacity
Отворете го регистарот на Firefox со повикување на „about:config“ (без наводници), преку лентата за внесување адреси. Потоа, потврдете дека ќе бидете внимателни со измените.
Со десното копче на глувчето, кликнете на било кој од постоечките клучеви и изберете „New“ и потоа „Integer“. Името на новиот клуч треба да биде „browser.cache.memory.capacity“ (без наводници), а неговата вредност „-1“ (без наводници).
Со додавањето на овој клуч, вие му кажавте на Firefox дека сакате автоматски да одредува колку меморија ќе троши за чување на елементи од веќе вчитаните веб страници. Спротивно на тоа, доколку не сакате Firefox да ги чува во меморија овие елементи, наместо „-1“, за овој клуч треба да поставите вредност „0“ и тогаш Firefox повеќе ќе запишува на системскиот хард диск.
Со помош на „browser.cache.memory.capacity“, Firefox ќе ви работи побрзо и ќе биде многу поефикасен во ослободувањето на деловите од системската меморија што ги има зафатено, а инаку не ги користи.
Дискусија
вие што препорачувате, да ја ставиме вредноста на “-1” или на “0”?
Јас ја препорачувам вредноста „-1“, но во случај компјутерот да има многу малку RAM на располагање, посоодветна би била вредноста „0“.
мислам дека и нема некоја разлика. единствено што приметувам е дека firefox троши многу од RAM меморијата. кај мене да речеме едно 300MB.
Да нема забуни.
Ако ја зададеме вредноста „-1“, ние му велиме на Firefox слободно да кешира во RAM и во тој случај, логично е да земе толку колку што му треба, па дури и повеќе од вообичаено, сè со цел да работи поефикасно.
Со вредноста „0“ пак, му велиме дека не сакаме да кешира во RAM и го приморуваме да кешира на системскиот диск. Во овој случај Firefox ќе троши помалку RAM.
Исто така, постои можност да се дефинира и точно колку RAM ќе му биде достапен на Firefox за кеширање:
32 MB -> 2048
64 MB -> 4096
128 MB -> 6144
256 MB -> 10240
512 MB -> 14336
1 GB -> 18432
2 GB -> 24576
4 GB -> 30720
8 GB and up -> 32768
На пример, доколку сакаме Firefox да може да кешира во само 32MB од RAM, тогаш за „browser.cache.memory.capacity“ ја задаваме вредноста „2048“.
јас се навраќам тука со една информација. ја извадив од употреба четвртата верзија на фајрфокс и сега ја користам петтата бидејќи постарата опција користеше ептен МНОГУ рам меморија. 2GB одеа само од мозилата…woooow. ептен бе. :D