Не постои добро влијание

„Зашто да влијаеш врз човек значи да му ја дадеш својата душа. Тој не ги мисли своите природни мисли, ниту гори со своите природни страсти. Неговите доблести за него не се вистински. Неговите гревови, ако постои такво нешто како грев, се позајмени. Тој станува ехо на нечија туѓа музика, актер во улога која не е напишана за него. Целта на животот е себеразвивањето. Да се сфати својата природа совршено – за тоа секој од нас е тука. Луѓето денес се плашат од самите себе. Ја имаат заборавено највисоката од сите должности, должноста кон себе. Се разбира, тие се добротвори. Ги хранат гладните, ги облекуваат питачите. Но нивните сопствени души гладуваат, тие се голи. Храброста ја напушти нашата раса. Можеби никогаш не сме ја ни имале.“

Сликата на Доријан Греј“ – Оскар Вајлд

Во тој контекст, подобро е на протестите да има 500 луѓе што чувствуваат вистинска потреба да протестираат, отколку 1.500 луѓе, од кои 1.000 се излезени, а не знаат зошто.

Зоран Ставревски навредува новинарка


Извор: http://alfa.mk/

Извадок од економските вести на Алфа ТВ на 9.6.2011 год. Актуелниот Министер за финансии, Зоран Ставревски, навредува новинарка нарекувајќи ја „економски неписмена“.

Зоран Ставревски: Средствата од ММФ се користат согласно, договорот со ММФ за сите буџетски потреби, а пред сè за подобрување на ликвидноста на стопанството. Основно неразбирање е прашањето како што го поставувате бидејќи, парите можат да се користат само за она што, за што е одобрен буџетот од страна на собранието.

новинарка: Значи не се потрошени…

Зоран Ставревски: Значи, не разбирате ако повторно прашате исто, значи не го разбирате буџетскиот процес. Ве советувам да си го прочитате законот за буџет.

новинарка: Значи, треба да кажете можеби со чии… пари…

Зоран Ставревски: Госпоѓо вие сте економски неписмена! Не можам да ви одговарам. Тотално сте економски неписмена!

Овoј прилог не е достапен на веб-сајтот на Алфа ТВ или пак јас не успеав да го најдам. Како и да е, сега го има на YouTube.

Првите писма за Мартин Нешковски се испратени

Нè имаше во мал број, но нè имаше! Повеќе информации за ова, очекувајте наскоро кај Новица.

писма за Мартин Нешковски

Алфи, Даниел, убиство, избори, полиција, медиуми…

Просто неверојатно! Истите медиуми што деноноќно чекаат сензации и скандали за да ги филуваат за свои потреби, одеднаш решаваат да молчат и да не известуваат за потенцијално убиство?!

Алфи, Даниел, убиство, избори, полиција, медиуми...

Фото: Радио Слободна Европа

Курир, МТВ, Сител, Канал 5… заспавте?!

Дејствувањето на политичките партии не завршува ден после изборите. Каде е сега борбата за слобода, соборувањето на режимот, „уривањето“ на диктаторот? Или одеднаш сите се ослободени од одговорност додека да се формира новата македонска влада?!

СДСМ, ЛДП, Нова Демократија, ДУИ, ДОМ, ПДП, OM… што не викате сега?

Ако и ова се заборави за три дена и се потисне со спектакуларни апсења, ќе биде сосема јасно дека некој, некого сака да заштити. А причините за насилство, од ден на ден, стануваат сѐ побесмислени.