Паблишер

И понатаму, гужва, нељубезна државна администрација, неред, бесознание, закочени компјутерски системи, спроведување на кандидати преку ред, виртуелни кандидати на листата за чекање…

Се чека за да ве спроведат, се чека за да прашате, се чека за да почнат да ви ја бараат личната карта и додека да ви ја најдат. Помалку од 40 минути не ве „крпат“.

Работите не се случуваат спонтано, така што или бидете проактивни или ќе се изначекате.

Превработеноста во администрацијата се гледа од километар. Само двајца вработени работат со граѓаните на шалтер, а повремено и само еден, а другите вработени (јас избројав 5 различни ликови) прават влези-излези, се довикуваат, се смешкаат итн.

Отсваруваме!

Последното поскапување на такси превозот навистина нема никаква смисла. Која е целта на продавање на поскап такси превоз, кога најголем дел од такси-компаниите даваат некаков си попуст на конечната цена?

Вечерва двапати се возев со такси и двапати, крајната цена на превозот беше намалена за одреден процент.

На крајот, конечната сума за превозот до дома, беше околу 10 денари повеќе од таа што вообичаено ми ја наплатуваат. Од 288 денари, таксистот, по слободна проценка ја намали сумата на 230 денари.

Во разговор со еден од возачите, вечерва, јасно ми беше потенцирано дека бројот на повици во компанијата е драстично намален, па ако пред поскапувањето имале околу 500 повици во денот, после поскапувањето имаат само 100 дневно!

Ако таксистите мораат да даваат попуст, за крајните купувачи да ги користат нивните услуги, тогаш нема потреба од посебни показатели дека, последното поскапување на цените на такси-превозот, беше сосема непотребно. Да не „хејтам“, ама ова е уште еден #mkfail.