Паблишер

Последното поскапување на такси превозот навистина нема никаква смисла. Која е целта на продавање на поскап такси превоз, кога најголем дел од такси-компаниите даваат некаков си попуст на конечната цена?

Вечерва двапати се возев со такси и двапати, крајната цена на превозот беше намалена за одреден процент.

На крајот, конечната сума за превозот до дома, беше околу 10 денари повеќе од таа што вообичаено ми ја наплатуваат. Од 288 денари, таксистот, по слободна проценка ја намали сумата на 230 денари.

Во разговор со еден од возачите, вечерва, јасно ми беше потенцирано дека бројот на повици во компанијата е драстично намален, па ако пред поскапувањето имале околу 500 повици во денот, после поскапувањето имаат само 100 дневно!

Ако таксистите мораат да даваат попуст, за крајните купувачи да ги користат нивните услуги, тогаш нема потреба од посебни показатели дека, последното поскапување на цените на такси-превозот, беше сосема непотребно. Да не „хејтам“, ама ова е уште еден #mkfail.

Неколку пати по ред сум забележал дека, кога дополнувам гориво на бензинската пумпа на Макпетрол на улица Бутелска (бензинска пумпа бр. 64), упорно ми ставаат гориво за неколку денари помалку од тоа што го плаќам. Денес, платив и дополнителни 50 дени повеќе од вообичаено.

Дополнувам гориво за 2.000 денари, вработеното лице ми става гориво за 1.997,3 денари и ми испорачува фискална сметка од 2.000 денари и 50 дени, наплатена преку дебитна картичка.

Каде и да дополнувам гориво на друго место, секогаш ми ставаат гориво за платената сума и плус неколку денари, во зависност од тоа колку е добар рефлексот на раката на вработеното лице. Дури и на други бензински пупми на Макпетрол, но не и на онаа на Бутелска.

И, еве ја математиката. Од 30 души по 3,2 денари, имаме безмалку „стоттче“ (96 денари), од 100 души – 320 денари (ете ја дневницата), од 300 – 960 денари итн.

А ќе си речеш, било случајно…