Број на RSS следачи без FeedBurner

Доколку сакате да дознаете колкав е бројот на корисници што го следат вашиот веб-сајт преку RSS, а не користите FeedBurner, Google ви овозможува да го откриете тој број многу едноставно. Единствен услов, во случајов, е да сте запознаени и да користите Google Reader.

Contest Watchers RSS Subscribers

Отворете Google Readers, кликнете „Add a subscription“ и потоа внесете го името на вашиот веб-сајт или блог. Google ќе пребара за внесениот поим и во резултатите од пребарувањето, за секој резултат поединечно ќе ви го прикаже бројот на Google Reader RSS „претплатници“.

Извор: Google Operating System – Find the Number of Google Subscribers for Any Feed

Mac OS X Snow Leopard во VMWare

После неколку-дневно експериментирање успеав да го проработам Mac OS X Snow Leopard во VMWare. Се служев со овој прирачник, а чиста верзија на Snow Leopard преземав преку овој торент. Инсталацијата се одвиваше речиси праволиниски. По завршувањето добив целосно функционална верзија на Snow Leopard што може да се ажурира со најновите надградби. Snow Leopard во VMWare работи забележително забавено, но со оглед на тоа дека Mac OS X оригинално не поддржува виртуелизација и тоа што работи забавено е успех.

Во продолжение можете да погледнете неколку слики од екран, што ги направив во текот на тестирањето.

Што е супер во новото Ubuntu?

  • Супер е што конечно е среден звукот. Досега, секогаш кога ќе инсталирав Ubuntu одново, имав проблеми со звукот (имав звук, но тој беше претивок или пак немав звук). Супер е што се додадени контроли за одделни звучници;

    звук во Ubuntu 9.10

  • Супер е што е изменет е ефектот на анимирано затворање на прозорци од 9.04 и сега прозорците се затвораат со едноставен fade-out;
  • Ubuntu Software Center е многу поочигледен начин да се стави акцент на огромниот број на апликации што се достапни за Ubuntu. Супер е што за избраната апликација на корисникот му е понудена и слика од екран. На тој начин би можел веднаш и да види како изгледа самата апликација;

    Бројни апликации во Ubuntu Software Center

    слики од екран директно во Ubuntu Software Center

  • Супер е Palimpsest Disk Utility;

    Palimpsest Disk Utility во Ubuntu 9.10

  • Супер е Ubuntu One;
  • Супер се и подобрувањата на основната визуелизација;

    подобрувања на основната визуелизација во Ubuntu 9.10

  • Супер е што се стартува побрзо и што се исклучува речиси инстантно;
  • Супер е што работи значително подобро.

Arve Henriksen и Jon Hassell на SJF 2009

Arve Henriksen @ MOB, Skopje, Macedonia

На четвртата вечер од Skopje Jazz Festival 2009 поминав одлично! Arve Henriksen (и Jan Bang) и Jon Hassell се навистина врвни уметници. Нивните настапи беа во секој поглед уникатни доживувања, за кои вреди да се плати. Задоволен сум што не ги пропуштив.

Jon Hassell @ MOB, Skopje, Macedonia

На крајот од вечерта, појдов и на настапот на Chico Pinheiro e Banda во Hard Rock. Не беше лошо, но не паднав во несвест.

Инаку, Г-динот Оливер Белопета вечерта напомена дека бил задоволен од тоа како добро се покажала соработката со Hard Rock и вечерите од SJF што се одржуваат таму. За мене вечерите во Hard Rock беа најлошите. Сметам дека во Hard Rock секогаш има премногу „падобранци“ што не знаат да прават ништо друго освен бука и да покажуваат колку воопшто не им е гајле кој е на сцената. Очигледно е дека премногу лесно, многу луѓе се снабдуваат со гратис влезници. Убаво би било во иднина да се запре со оваа пракса и конечно SJF вечерите во Hard Rock да станат пристојни. Секогаш е подобро да има помал број на публика, но таа да биде поквалитетна.

И на самиот крај, една желба. Cibelle ја пропуштив на Offest 2006. Таа подготвува нов албум, што може да биде одличен повод, за наскоро да нè посети пак. Единствено треба некој да ја побара. :)

© 2007-2024 Гоце Митевски. Содржините на Паблишер се достапни под лиценцата Creative Commons НаведиИзвор-СподелиПодИстиУслови 2.5 Македонија.
Тема за WordPress „minim“ верзија 0.2 - изработка Nicer2. Нема оптимизации за Internet Explorer 6. Земете си современ Интернет прелистувач.

кон врвот