Blizoo ја блокира портата бр. 465 на својата мрежа [писма од читатели]

Немав претстава дека Blizoo го пренасочува сообраќајот од портата бр. 465 (SMTPS) на својата мрежа.

blizoo - fiber power

Ако добро сум го разбрал Петар, сообраќајот од динамичките IP-адреси се спроведува преку преку портата бр. 25 низ серверот smtp-relay.cabletel.com.mk што, практично, ги одзема придобивките од користењето на SMTPS.

Здраво Гоце,

Би сакал да те запознаам со неколку работи за мрежата на кабелскиот оператор Близу за кои малку луѓе кои ги користат нивните услуги знаат. Веднаш да ти кажам дека не сум IT високо-образован, меѓутоа па и сум далеку од оние корисници „рестартирај го модемот/рутерот“.

Го користам e-mail на сервисот mail.ru. Кога не сум на мојот лаптоп, се логирам преку веб за да ја проверам поштата, меѓутоа кога сум дома (на мрежата на Близу во Скопје, Кисела Вода) пораките ги проверувам преку Outlook 2013 со IMAP конфигуриран клиент.
До пред извесно време (пред 1 месец) клиентот беше конфигуриран согласно препорачаните подесувања од сервисот mail.ru и сѐ си работеше најнормално, немаше никаков застој во однос на моето користење на поштата. Со писмо од сервисот mail.ru бев известен дека подесувањата (993 SSL – imap.mail.ru/587 TLS – smtp.mail.ru) кои јас од дома за да проверам пошта ги користам треба да ги променам во 993 SSL – imap.mail.ru/465 SSL – smtp.mail.ru поради надградувањето на нивниот систем заклучно со крајот на месец февруари.

Тука настанува мојот проблем со нивната мрежа (мрежа без проблеми како тие ја нарекуваат), т.е. интернет мрежата на Близу. Имено, 465 SSL – smtp.mail.ru кај нив (од не знам која причина) е блокирана. Прво мислев дека мојата домашна мрежа е проблем, меѓутоа после повеќекратни тестирања од повеќе уреди и оперативни системи, на повеќе локации (проверував од кај роднини и пријатели за истиот проблем) утврдив дека проблемот е глобален, на целата нивна мрежа. И почнав да реагирам на начините кои мене ми се достапни како потрошувач. Цел февруари месец, јас упорно барав објаснување од Близу зошто тоа е така, на кои барања добивав благородни одговори дека ќе сум контактиран, но не бев. Дури вчера на 01 март јас добив одговор од ИТ оператор на Близу (извесен Никола Николовски) што е одговорот на мојот проблем.

Дечкото ми даде објаснување дека за да можам да користам 465 SSL – smtp.mail.ru морам да поднесам барање за фиксна IP адреса со МЕСЕЧНА претплата од 200 денари (пази цена!). Со моменталната динамична адреса нема да можам да користам 465 SSL – smtp.mail.ru бидејќи нивната мрежа барала исклучиво за smtp да се користи нивниот сервер т.е. smtp-relay.cabletel.com.mk port-25. Било кое друго подесување за smtp према дечково нема да работи и тоа е така неколку години. Е сега, ми дојде нелогично неговото тврдење бидејќи јас претходно на нивната мрежа користев и google mail со IMAP и smtp па одеше без проблеми. И подесувањата 993 SSL – imap.mail.ru/587 TLS – smtp.mail.ru работеа без проблем. Сега, според кажувањата јас сум обврзан да го користам нивниот сервер за праќање пораки (пошто од не знам која причина не сакаат да ја ослободат портата 465 SSL) или ако не сакам така, тогаш фиксна IP и плаќање 200 денари на месец за да се логирам директно на 465 SSL – smtp.mail.ru.

Операторот притоа ми кажа доколку не ми одговара тоа да си го користам web сервисот (а на IMAP) на mail.ru (доколку не плаќам за фиксна IP). И секако, напомена дека тоа не е основ за прекинување на претплатничкиот договор бидејќи јас сепак можам да праќам пораки НО само преку нивниот сервер а не преку друг (наводно претходно имале лоши искуства со праќање на спамови преку нивната мрежа па морале ова решение на штета на претплатник како мене, заради нивната очигледна неспособност да си го решат проблемот). Мене сѐ уште не ми е јасно како јас користев google mail со IMAP и smtp и одеше без проблеми кога дечково упорно тврдеше дека немало шанса тоа да се случува (кога де-факто тоа и се случува/ше).

Не знам зошто инсистираат да користам нивен сервер кога проблемот е многу јасен и не сакаат да го отстранат. т.е. портата 465 SSL не сакаат да ја ослободат. Јас сум сега приморан да користам сервер во кој немам доверба или да плаќам 200 денари за фиксна IP (што е глупост ноторна).
Само за пример, ни T-Home ни Телекабел ни ONE немаат вакви забрани, т.е. 465 SSL кај нив функционира најнормално.

Фала ти за времето,

Петар И. Димитров

Благодарност до Петар што сподели повеќе информации за овој проблем со мене.

ДОПОЛНУВАЊЕ #1: Правилник за видот и содржината на податоците кои операторите на јавни комуникациски мрежи и/или давателите на јавни комуникациски услуги се должни да ги објават во врска со општите услови за пристап и користење

ДОПОЛНУВАЊЕ #2: Извадок од правилникот во ДОПОЛНУВАЊЕ #1

VII. ЈАВНИ УСЛУГИ ЗА ПРЕНОС НА ПОДАТОЦИ

Член 41

Пристап и користење на јавна услуга за пренос на податоци преку кабелска мрежа

…

(5) Доколку операторот и/или давателот на услуги врши ограничување на претплатниците во однос на достапноста на одредени апликации, содржини и/или услуги, за истото треба да обезбеди јавно достапни информации со детално образложение за причините за ограничувањето.

…

How to modify YARPP cache type to improve WordPress performance

YARPP is a great WordPress plugin and I use it whenever related posts functionality is required on a WordPress website. The plugin has its own caching mechanism which improves performance most of the time. Sometimes, however, it can cause a lot of performance issues, especially when used with other object caching plugins such as Hyper Cache, WP Super Cache, W3 Total Cache.

Hyper Cache and YARPP weren’t playing nicely for me on Contest Watchers and I decided to look for a way to modify or completely disable the YARPP cache.

Going though the source in /wp-content/plugins/yet-another-related-posts-plugin/yarpp.php I discovered that the type of YARPP cache is defined through the YARPP_CACHE_TYPE constant. By default YARPP creates a separate database table where it keeps its cache results. Alternatively it can be made to process its results whenever a post is loaded, though the post metadata.

Since v3.2: YARPP uses it own cache engine, which uses custom db tables by default.
Use postmeta instead to avoid custom tables by un-commenting postmeta line and comment out the tables one.

If you want to try the alternative setting and see if you gain some performance on your site, all you have to do is set the YARPP_CACHE_TYPE constant to ‘postmeta‘, before YARPP defines it. To do that, you’ll need to add the following code in wp-config.php, right before wp-settings.php gets required:

// Bypass YARPP cache to improve performance
if ( ! defined ( 'YARPP_CACHE_TYPE' ) ) {
define ( 'YARPP_CACHE_TYPE', 'postmeta' );
}

And that’s it! Now do some browsing through your website and see if you can notice any difference. You can get a lot of help from Query Monitor while doing that.

If you’re happy with the results, you might also want to delete the cw_yarpp_related_cache table from your database, to clean things up.

Што треба да знаете за TOTAL, а во One нема да ви кажат

Да ми кажеше некој за овие работи, веројатно немаше да склучам договор со One на 24 месеци. #BadLuckМакедонец за мене, информации за сите останати:

total-anal-one-mk

  1. Ако склучите договор на крајот од месецот, во сметката за следниот месец ќе ви биде наплатена претплатата за првиот месец од TOTAL. Да, претплатата се наплатува однапред и кога прашав во One за ова, во Веро Центар, ми рекоа дека било легално.
  2. Бесплатните минути се распределуваат пропорционално, што значи дека ако имате 200 минути на располагање во месецот кон сите мрежи и не ги искористите, при крајот на месецот нема да имате да доискористите 200 минути за разговор, туку 6,67 минути, по бројот на денови до крајот на месецот. Ако до крајот на месецот преостануваат уште три дена, тоа се вкупно 20 минути за разговор. Ако ги потрошите бесплатните минути пред крајот на месецот, сите разговори потоа ќе ви бидат наплатени по цените предвидени во вашиот тарифен модел. Да, ќе треба да броите уште колку минути ви остануваат од бесплатното време, ако не сакате да плаќате екстра.
    ПОЈАСНУВАЊЕ ОД ONE: Пропорционалноста на минутите не е сведена на дневно ниво, туку на тотал активни денови во месецот. Сакам да кажам, ако се активираш на пола месец, наместо 200 ќе добиеш 100 минути, кои ако сакаш можеш и во еден ден да ги потрошиш, наместо да внимаваш на 6,67 минути дневно.
  3. Ако ви следува Субвенција како бонус за лојалност и склучите договор за некој модел на TOTAL при крајот на месецот, а се одлучите бонусот да го искористите за плаќање на месечните сметки, субвенцијата нема да ви биде одобрена до почетокот на наредниот месец. Значи, ако сте склучиле договор кон крајот на ноември, бонусот ќе ви биде одбиен од месечната сметка за декември. И покрај тоа што во договорот за субвенција стои дека: „Субвенцијата важи од денот на потпишување на истата.“

Дали вреди да склучите договор за TOTAL на 24 месеци? Најверојатно не. Разгледајте ги понудите на другите оператори и не паѓајте на евтини финти.

Колку пари е билет за „Огнени јазици“?

Направив резервација и одам да ги подигнам билетите за „Огнени јазици“ во НУ Драмски Театар – Скопје. Продавачот ми вели 560 денари. Му давам пари и чекам кусур. Ми враќа кусур и не ми дава фискална сметка. Му барам фискална сметка и прво ми дава изговори од типот: сега, само да не ми се смешаат парите (?!) и потоа ми ја даде сметката како да се брза. Ја земав и си заминав.

Подоцна, ги земам билетите за да видам која е цената на билет.

На билетот за „Огнени јазици“ не пишува која е цената.

На билетот за „Огнени јазици“ не пишува која е цената.

Не пишуваше, па земав да ја видам фискалната сметка. Не пишуваше, ни на фискалната.

На фискалната сметка од НУ Драмски Театар - Скопје не пишува која е цената на билет за претставата „Огнени јазици“

На фискалната сметка од НУ Драмски Театар – Скопје не пишува која е цената на билет за претставата „Огнени јазици“

Според тоа што беше напишано на фискалната сметка, јас сум купил ПРОБА во вредност од 560 денари. А, купив, два билети, секој претпоставувам со вредност од 280 денари.

Ете ви корупција, каде што најмалку треба да ја има.

© 2007-2025 Гоце Митевски. Содржините на Паблишер се достапни под лиценцата Creative Commons НаведиИзвор-СподелиПодИстиУслови 2.5 Македонија.
Тема за WordPress „minim“ верзија 0.2 - изработка Nicer2. Нема оптимизации за Internet Explorer 6. Земете си современ Интернет прелистувач.

кон врвот