Паблишер

При надградба со најновата верзија на WordPress – верзијата 2.8.3 – ми се појави следниов проблем.

На сите целобројни вредности, поголеми од нула, им беше додадена вредноста „,000“ (без наводници). На пример: тоа што досега било 5, по надградбата се претворило во 5,000.

Претпоставувам дека во прашање е некоја глобална променлива и на неа ѝ е „залепен“ непотребен додаток, но сè уште не сум успеал да го потврдам тоа. Доколку и некој друг го има истиов проблем или пак го решил, би бил благодарен ако своето искуство го сподели, во облик на коментар, на овој запис.

ИЗМЕНА: Ок. Проблемот е дефинитивно во преводот. Штом го вратам WordPress на англиски јазик, т.е. штом ја исклучам македонската локализација сè си е во ред. Впрочем, мислам дека проблемот настанува откако ќе го активирам преводот за верзијата 2.8.3. Со преводот за верзијата 2.8.2 сè е во ред. Претпоставувам, оваа грешка настанала во брзање и се надевам дека наскоро ќе биде поправена.

Интересно! Претпоставувам дека ова ќе биде применето и за останатите сервиси.

• ваљда = веројатно (Ваљда ќе дое. = Веројатно ќе дојде.)
• уствари = всушност (Уствари, он знае. = Всушност, тој знае.)
• тачно = точно (Тачно е, дека дојдоа. = Точно е, дека дојдоа.)
• зашто = зошто (Зашто не сакаш? = Зошто не сакаш?)
• не долази у обзир = не доаѓа во предвид (Ма, не долазиш у обзир! = Ма, не доаѓаш во предвид!)
• y = во (У сала, во 12! = Во сала, во 12!)
• глеа = гледа (Глеаш? = Гледаш?)
• он = тој (Он викаше… = Тој викаше…)
• она = таа (Она се расплаче. = Таа се расплаче.)
• они = тие (Они играа баскет. = Тие играа кошарка.)
• у право = во право (У право си тато! = Во право си тато!)
• стварно = навистина (Е, стварно претеруваш! = Е, навистина претеруваш!)
• невероватно = неверојатно (Просто невероватно беше! = Беше, просто неверојатно!)
• врло = многу (Врло, врло добро. = Многу, многу добро.)
• момак = момче (Бев со еден момак, по работа. = Бев со едно момче, по работа.)
• праи = прави (Не се праи фраер! = Не се прави важен!)
• расположење = расположение (Нема расположење, шо? = Нема расположение, што?)
• топ = супер (Топ! Топ, беше! = Супер! Супер, беше!)

Лично сметам дека нема покул луѓе, од оние што говорат литературен македонски јазик. Им се восхитувам и апелирам да не се претопат во толпата.

Он.нет ги има хостирано сите епизоди од серијата „Досие Скопје“ и тие се достапни за гледање, но нивниот видео плеер е нетипичен, па доколку сакате да преземете било која од епизодите, со помош на некој додатокот за Firefox – на пример: DownloadHelper, нема да можете. Сепак, со помош на Firebug можете да ги дознаете сите потребни информации и самите да ги составите директните врски до видеата што Он.нет ви овозможува да ги гледате преку нивниот плеер.

Во продолжение ги наведувам трајните врски (се надевам, такви и ќе останат) до епизодите. Со клик на било која врска, веднаш започнувате со преземање.

• Епизода прва: Идат Турци (со големи штурци) (1901 – 1910)
• Епизода втора: Падна бомба од небеса, па удари баба меца период (1911 – 1920)
• Епизода трета: Циција, циција, српска полиција (1921 – 1930)
• Епизода четврта: Шири, шири, весели пешкири! (1931 – 1940)
• Епизода петта: Кукавица кука, Хитлер да испука! (1941 – 1950)
• Епизода шестта: Славејчето пее – Тито да живее! (1951 – 1960)
• Епизода седма: Градот убав, пак ќе никне… (1961 – 1970)
• Епизода осма: Чаталигу – паталигу – урнам – бутнам  колку се… (1971 – 1980)
• Епизода деветта: Кој искочи – тој е прв! (1981 – 1990)
• Епизода десетта: Македонија, компанија, месо-боранија (1990 – 2000)

Врска до оригиналната XML датотека.

Претпоставувам дека врскиве веќе одамна ги има по други блогови/форуми/портали… сепак, еве ги и на Паблишер. Пријатно гледање. :)