Ова го забележав денеска…
Мислам дека конечно после многу долго време, сите имаме вистинска причина да се радуваме. Да се надеваме дека по Moneybookers и PayPal ќе го прошири својот бизнис наваму. Доколку ве интересира, погледнете колкави се трошоците за трансфер на средства со помош на Moneybookers.
Ако има некој во Македонија што веќе го користи Moneybookers, убаво би било да ги сподели искуствата овде.
Во потрага по англиски преводи на дела од Ниче, стигнав до „johnstonia“ – веб-сајт на Ian Johnston, посветен на неговиот прерано починат син Geoffrey (1974-1997). На „johnstonia“ најдов 4 дела од Ниче (On the Use and Abuse of History for Life, The Birth of Tragedy, The Genealogy of Morals, Beyond Good and Evil), но и еден куп други книги што имам во план да ги прочитам. Интересно е тоа што, било кој по потреба, може да му напише барање на Ian, за испорака на било која од достапните книги во облик соодветен за печатење и споделување. Малку е без врска што датотеките се испорачуваат во матичниот формат на Microsoft Publisher (pub) – колку што знам Microsoft никогаш не издаде бесплатен прегледувач за датотеки изработени во Publisher (Microsoft Publisher Viewer), но верувам дека знаете како да се снајдете: 1, 2, 3.
Сите книги се достапни за некомерцијална употреба и слободно споделување.
Но вие, уморени од светот! Вие светски мрзловци! Вас треба човек да ве фрасне со прачка! Со прачка треба пак да ви ги оживи нозете!
Зашто: ако не сте болни и преживеани бедници, од кои земјата е преситена, тогаш сте итри мрзловци или сладострасни мачки-гурмани. И ако не сакате веќе да трчате весело, треба – да исчезнете!
Човек не треба да сака да биде лекар за оние што не можат да се излекуваат: така учи Заратустра – исчезнете!
стр.199 – „Така зборуваше Заратустра“ – Фридрих Ниче [EN] [МК]
Theora е бесплатен и отворен формат на видео компресија од фондацијата Xiph.org – дел од нивниот проект Ogg (проект што има за цел да овозможи интеграција на кодекот VP3 на On2 Technologies, аудио кодекот Ogg Vorbis и мултимедијалните формати Ogg во комплетно мултимедијално решение, што би било конкурентно на форматот MPEG-4). Ogg Theora припаѓа на истата класа на видео кодеци како MPEG-4/DiVX, но од нив значително се разликува по тоа што не обврзува со лиценца за користење и, што е уште поинтересно, што овозможува драстично подобри перформанси на видео компресија со висок квалитет.
Со Theora се сретнав неодамна и решив малку посериозно да се позанимавам со снимање на видео содржини во овој формат. Тоа што уште на прв поглед ме фасцинираше, беше забележителната разлика во големината на видео датотеките во MPEG-4/DiVX и Theora формат. Theora овозможува создавање на, во слободна проценка, помеѓу 45% и 65% помали видео записи без никакво видливо намалување на видео квалитетот.
Во мојот прв обид за компресија во Theora, суров DVD материјал со капацитет од околу 500 мегабајти, сведов на без малку 20 мегабајти. Зарем, тоа не е одлична заштеда? Подоцна, веќе компресирани MPEG-4 видеа претворав во Theora. Во речиси сите обиди имав најмалку 50% повисока компресија, а со тоа и 50% помали видео записи.
Со тоа што овозможува висока компресија, Ogg Theora е речиси идеален формат за дистрибуција на видео материјали на Интернет.
Theora е повеќе-платформски формат, достапен на ГНУ/Линкус, Windows и Mac OS.
ffmpeg2theora е едноставен конвертор на MPEG видео записи во Ogg Theora формат. ffmpeg2theora засега нема графички кориснички интерфејс и може да се употребува единствено преку терминал / Command Prompt, што никако не го прави помалку привлечен. Всушност командите за отпочнување на конверзијата се ужасно едноставни. Еве, на пример, како изгледа една таква:
ffmpeg2theora videoclip.avi
каде што „ffmpeg2theora“ е име на командата т.е. на извршната датотека на конверторот, „videoclip“ е име на видео датотеката, а „avi“ е тип на видео датотеката.
Сè што би требало да направите, за активно да го користите ffmpeg2theora, е да го преземете од официјалната страница. Конверторот е бесплатен, се разбира. Слободно послужете се со зададените примери на официјалниот веб сајт.
Ogg Theora доаѓа како составен дел на сите ГНУ/Линукс дистрибуции. Под Windows, репродукцијата на .ogv датотеки е можна со помош на VLC media player. На крајот, доколку ве интересира, погледнете ја листата на плеери што умеат да репродуцираат Theora без проблеми.
